ირანის საგარეო საქმეთა მინისტრის მოადგილემ სეიდ ხატიბზადეჰმა განაცხადა, რომ აშშ-ის პრეზიდენტი დონალდ ტრამპი „ძალიან ბევრს ლაპარაკობს“, რითაც გამოეხმაურა მის მუქარას, რომ ვაშინგტონსა და თეირანს შორის შეთანხმების მიუღწევლობის შემთხვევაში ამერიკული ძალები „კვლავ დაიწყებენ ბომბების ჩამოყრას“.
„ეს არის პრეზიდენტ ტრამპის სტილი — ის ძალიან ბევრს ლაპარაკობს და ერთსა და იმავე განცხადებაში ურთიერთგამომრიცხავ რაღაცებს ამბობს,“ - გაბაცხადა ხატიბზადემ თურქეთში, ანტალიის დიპლომატიური ფორუმის ფარგლებში ჟურნალისტებთან საუბრისას
ტრამპს ჟურნალისტებმა Air Force One-ის ბორტზე ჰკითხეს, გააგრძელებდა თუ არა ირანთან დროებით ცეცხლის შეწყვეტას, რომელიც ოთხშაბათს იწურება, თუ შეთანხმება არ შედგება. მან უპასუხა:
„არ ვიცი, შესაძლოა არა, შესაძლოა არ გავაგრძელო. მაგრამ ბლოკადა დარჩება… და სამწუხაროდ მოგვიწევს ისევ ბომბების ჩამოყრა.“
