ირანული სახელმწიფო მაუწყებლის IRIB-ის ცნობით, ჰორმუზის სრუტე გადადის „მკაცრი კონტროლის რეჟიმზე“.
„სასაზღვრო საზღვაო გზა კვლავ დახურულია და გავლა შესაძლებელია მხოლოდ ირანის ნებართვით,“ - აღნიშნულია მედიის ინფორმაციაში.
ასევე, ირანის შეიარაღებულმა ძალებმა განცხადება გაავრცელა, რომელშიც ნათქვამია, რომ აშშ-ის მიერ საზღვაო ბლოკადის გაგრძელების გამო, ჰორმუზის სრუტეზე კვლავ „მკაცრი კონტროლი“ დაწესდა.
„ირანის ცენტრალური სამხედრო შტაბბინა: ირანი დათანხმდა შეზღუდული რაოდენობის გემების გავლას ჰორმუზის სრუტეში, შეთანხმებების შესაბამისად, თუმცა, აშშ-მა არ შეასრულა თავისი ვალდებულებები. ამრიგად, ჰორმუზის სრუტე ახლა ისევ დაკეტილია და გავლას ირანის თანხმობა სჭირდება“, – ნათქვამია განცხადებაში.
