უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინა და ნიდერლანდები უპილოტო საფრენი აპარატების ერთობლივ წარმოებას იწყებენ.
ამის შესახებ ზელენსკი სოციალურ ქსელში წერს.
„დღეს ჩვენი პარტნიორობა ნიდერლანდებთან კიდევ უფრო ღრმავდება ჩვენი შეთანხმებების წყალობით, რომლებიც ეხება Drone Deal-ის ფარგლებში მუშაობის დაწყებას და პირველ ერთობლივ წარმოებას სწორედ ნიდერლანდებთან“, - განაცხადა ზელენსკიმ.
ზელენსკიმ ასევე მადლობა გადაუხადა ნიდერლანდებს გაწეული დახმარებისთვის.
"მადლობას ვუხდი ნიდერლანდებს მთელი მხარდაჭერისთვის, ამ ვიზიტისთვის და Four Freedoms Awards-ისთვის, რომლის მიღების პატივიც დღეს მომეცა მთელი ჩვენი ხალხის სახელით.
გულწრფელად მადლობელი ვარ მეფე ვილემ-ალექსანდრის, პრემიერ-მინისტრ რობ იეტენის და ნიდერლანდების მთელი ხალხის მიმართ უკრაინისადმი თბილი დამოკიდებულებისა და ჩვენი ბრძოლის მხარდაჭერისთვის.
თქვენი დახმარება საჰაერო თავდაცვის სისტემებით, რაკეტებითა და ავიაციით ყოველდღიურად იხსნის სიცოცხლეს ჩვენს ქალაქებსა და თემებში.
გმადლობთ, რომ ჩვენს გვერდით დგახართ და გვეხმარებით ჩვენი საერთო თავისუფლების დაცვაში", - წერს ზელენსკი.
ამასთან, ცნობილი გახდა, რომ ივნისში უკრაინა ნიდერლანდებისგან მიიღებს ნაღმსაწინააღმდეგო ხომალდს.
