აშშ-ის ვიცე-პრეზიდენტმა ჯეი დი ვენსმა განაცხადა, რომ უკრაინაში ომის სწრაფი მოგვარება აშშ-ის, ევროპისა და კიევის ინტერესებშია.
„მე ღრმად ვარ დარწმუნებული, რომ ომის სწრაფი დასრულება უკრაინის, ევროპის, უნგრეთისა და შეერთებული შტატების სრულ ინტერესებში შედის“, - განაცხადა მან უნგრეთის პრემიერ-მინისტრ ვიქტორ ორბანთან ერთად გამართულ ერთობლივ პრესკონფერენციაზე.
ვენსმა რუსეთსა და უკრაინას შორის ომის დასრულების მიზნით ვიქტორ ორბანის მიერ გაწეული სამუშაო შეაქო.
მისი თქმით, ორბანი და აშშ-ის პრეზიდენტი, დონალდ ტრამპი „ის ლიდერები არიან, რომლებიც ამ დამანგრეველი კონფლიქტის დასასრულებლად ყველაზე მეტს აკეთებენ“.
„თქვენი ლიდერობა მშვიდობის მიღწევისთვის გაცილებით უფრო მნიშვნელოვანია და თქვენ გაცილებით კონსტრუქციული პარტნიორი ხართ, ვიდრე თითქმის ყველა სხვა ნებისმიერი მსოფლიოს სხვა წერტილში“, - მიმართა ვენსმა ორბანს.
