აშშ-ის პრეზიდენტმა დონალდ ტრამპმა ორშაბათს გააძლიერა ირანის მიმართ მუქარა და განაცხადა, რომ მას კიდევ უფრო უარესი ვარიანტები აქვს, ვიდრე მანამდე მის მიერ გაჟღერებული მუქარა ელექტროსადგურებისა და ხიდების დაბომბვის შესახებ. ამის შესახებ CNN იუწყება.
ამის შესახებ ტრამპმა ჟურნალისტებთან თეთრ სახლში სააღდგომო ღონისძიებაზე საუბრისას განაცხადა.
„მათ (ირანს) არ ექნებათ ხიდები, არ ექნებათ ელექტროსადგურები, არაფერი ექნებათ. მე აღარ გავაგრძელებ, რადგან არსებობს სხვა რამ, რაც ამ ორზე უარესია“, - განუცხადა ამერიკის პრეზიდენტმა ჟურნალისტებს.
ტრამპმა მოითხოვა, რომ ირანმა სამშაბათამდე სრულად გახსნას ჰორმუზის სრუტე, წინააღმდეგ შემთხვევაში, მისი თქმით, ეს დღე ირანისთვის „ელექტროსადგურებისა და ხიდების დღედ“ იქცა.
„სამშაბათს ირანში ელექტროსადგურისა და ხიდის დღე იქნება, ყველაფრის ერთად. მსგავსი არაფერი ყოფილა!!! გახსენით დაწყევლილი სრუტე, შეშლილო ნაძირლებო, თორემ ჯოჯოხეთში იცხოვრებთ. უბრალოდ უყურეთ! დიდება ალაჰს“, - დაწერა ტრამპმა.
ტრამპმა ასევე განაცხადა, რომ ირანთან 45-დღიან ცეცხლის შეწყვეტის წინადადება საკმარისად კარგი არ არის, მაგრამ ძალიან მნიშვნელოვანი ნაბიჯია.
