ირანის საგარეო საქმეთა მინისტრმა, აბას არაღჩიმ უარყო მედიაში გავრცელებული ინფორმაცია იმის შესახებ, რომ თეირანმა უკვე უპასუხა აშშ-ის მიერ შეთავაზებულ 15-პუნქტიან გეგმას.
ამის შესახებ ირანის საგარეო საქმეთა მინისტრმა აბას არაღჩიმ Al Jazeera-თან ინტერვიუში განაცხადა.
მისი თქმით, ირანულმა მხარეს არ წარმოადგინა თავისი წინადადებები ან პირობები კონფლიქტის დასრულებისთვის.
მინისტრმა ასევე განაცხადა, რომ მოლაპარაკებები არ მიმდინარეობს. ამავდროულად, არაღჩიმ აღნიშნა, რომ ერთმანეთში უსაფრთხოების საკითხებზე გარკვეული შეტყობინებების გაცვლა პაკისტანის მეშვეობით ხდება.
მისივე თქმით, ირანი არ დაეთანხმება ცეცხლის შეწყვეტას, რადგან სურს „ომის სრული დასრულება არა მხოლოდ ირანში, არამედ მთელ რეგიონში“.
