ამერიკულ მთავრობას მოვუწოდებთ, შეუერთდნენ ევროპელ პარტნიორებს სანქციებისა და სხვა ინსტრუმენტების გამოყენებაში, რათა დაჟინებით მოითხოვონ, რომ საქართველოს მთავრობამ ყურადღება მიაქციოს „მოსკოვის მექანიზმის“ ანგარიშის რეკომენდაციებს, - ამის შესახებ ამერიკელი კონგრესმენებისა და სენატორების განცხადებაშია ნათქვამი.
"ეუთოს მოსკოვის მექანიზმის ანგარიში ნათელია: "ქართული ოცნება"ქართველ ხალხს მათ მძიმე ბრძოლაში მოპოვებულ თავისუფლებას ჰპარავს და ქვეყანას იზოლირებულ, ავტორიტარულ სახელმწიფოდ აქცევს.
ჩვენ მოვუწოდებთ აშშ-ს ოფიციალურ პირებს, ჩვენს ევროპელ პარტნიორებთან ერთად გამოიყენონ სანქციები და სხვა ხელმისაწვდომი ინსტრუმენტები, რათა დაჟინებით მოითხოვონ, რომ საქართველოს ხელისუფლებამ გაითვალისწინოს ამ ანგარიშში მოცემული რეკომენდაციები.
უნდა მოვითხოვოთ, რომ მათ ყველა პოლიტპატიმარი გაათავისუფლონ , ოპოზიციური პოლიტიკოსების წინააღმდეგ პოლიტიკურად მოტივირებული ბრალდებები მოხსნან და გაიწვიონ არადემოკრატიული და უსამართლო კანონები".
განცხადების ხელმომწერები არიან: ჰელსინკის კომისიის თავმჯდომარე სენატორი როჯერ უიკერი (რესპუბლიკური პარტია), ჰელსინკის კომისიის თანათავმჯდომარე კონგრესმენი ჯო უილსონი (რესპუბლიკური პარტია), სენატორი შელდონ უაითჰაუსი (დემოკრატიული პარტია), კონგრესმენი სტივ კოენი (დემოკრატიული პარტია), და სენატორი ჯინ შაჰინი (დემოკრატიული პარტია).
