ნატო-ში აშშ-ის ელჩმა მეთიუ უიტაკერმა განაცხადა, რომ ჩინეთი გადამწყვეტ მხარდაჭერას უწევს რუსეთის აგრესიას უკრაინაში. იგი მიიჩნევს, რომ პეკინს ომის დასრულება ერთი სატელეფონო ზარით შეუძლია.
ამის შესახებ Bloomberg იუწყება.
„ჩინეთს შეუძლია დაურეკოს ვლადიმირ პუტინს და ხვალვე დაასრულოს ეს ომი, ასევე შეწყვიტოს ორმაგი დანიშნულების ტექნოლოგიების გაყიდვა,“ - განაცხადა უიტაკერმა.
მან დასძინა, რომ პეკინმა შეუძლია შეწყვიტოს რუსული ნავთობისა და გაზის შესყიდვა.
„იცით, ამ ომს გაგრძელება სრულიად შესაძლებელია ჩინეთის წყალობით,“ - განაცხადა უიტაკერმა.
როგორც Bloomberg იუწყება, ომის დაწყების შემდეგ ჩინეთმა და რუსეთმა კიდევ უფრო მჭიდრო პარტნიორობა განავითარეს, რუსეთი კი ჩინეთზეა დამოკიდებული დრონებისა და სხვა სამხედრო აღჭურვილობის კრიტიკული ნაწილებისა და კომპონენტების მიწოდებაში.
ჩინეთი კვლავ გახდა რუსული ნედლი ნავთობის უმსხვილესი მყიდველი, მოსკოვის კრიტიკულად მნიშვნელოვან ნავთობვაჭრობაზე მზარდი საერთაშორისო ზეწოლის მიუხედავად.
მონიტორინგის მონაცემები აჩვენებს, რომ იანვარში ჩინეთის პორტებში დღეში 1.65 მილიონი ბარელი ნავთობი გადაიტვირთა.
ეს ყველაზე მაღალი მაჩვენებელია 2024 წლის მარტიდან და მეორე ყველაზე მაღალი ყოველთვიური მაჩვენებელი 2022 წელს მოსკოვის მიერ უკრაინაში სრულმასშტაბიანი შეჭრის დაწყებიდან.
ამის მიუხედავად, პეკინმა არაერთხელ განაცხადა, რომ კრიზისის მოგვარებაში „კონსტრუქციული“ როლის შესრულება სურს.
ჩინეთის საგარეო საქმეთა მინისტრი ვანგ ი ამ კვირაში მიუნხენში თავის უკრაინელ კოლეგას ანდრიი სიბიჰას შეხვდა და რუსეთის თავდასხმების გამო ქვეყანას ჰუმანიტარული დახმარება შესთავაზა.
