ხვალ, 14 თებერვალს, საქართველოს ენერგეტიკისა და წყალმომარაგების მარეგულირებელი ეროვნული კომისია ევროპისა და აზიის მარეგულირებელი კომისიების უმასპინძლებს.
საერთაშორისო კონფერენცია 14-15 თებერვალს სასტუმრო "ქორთიარდ მარიოტში" გაიმართება და მასში რამდენიმე ქვეყნის წამყვანი ენერგეტიკოსები მიიღებენ მონაწილებას.
კონფერენციის ფარგლებში ენერგეტიკის რეგულირების რეგიონული ასოციაციის ორგანიზებით (ERRA), ტარიფებისა და ლიცენზირების კომიტეტების შეხვედრები გაიმართება. ასევე დაგეგმილია შეხვედრები საქართველოს ენერგეტიკის მინისტრ ალექსანდრე ხეთაგურთან.
შეხვედრის მონაწილეები განიხილავენ რეგიონული ასოციაციის წევრ ქვეყნებში მიმდინარე ენერგეტიკულ პროცესებს, ენერგოეფექტურობის, განახლებადი ენერგიების საკითხებს და იმსჯელებენ სემეკ-ის მნიშვნელობასა და როლზე რეგიონული ასოციაციისთვის. სემეკი რეგიონული ასოციაციის ერთ-ერთი დამფუძნებელია.
"ქვეყნის ენერგეტიკული სტრატეგიიდან გამომდინარე, სემეკი საერთაშორისო ურთიერთობებში მონაწილეობით ცდილობს ხელი შეუწყოს საქართველოს ენერგორესურსების პოტენციალის გამოყენებას, სამრეწველო და სახელმწიფო სფეროებში ენერგოეფექტურობის ამაღლებას, ენერგოუსაფრთხოების საკითხების დახვეწას", - აცხადებენ სემეკ-ში.
ენერგეტიკის რეგულირების რეგიონული ასოციაცია დაარსებიდან 10 წლის იუბილეს საქართველოში აღნიშნავს.
