მიმატებენ სამ წელს, 16 წელი უნდა მქონდეს მისჯილი, იმაზე მეტი, ვიდრე პედოფილებს, სერიულ მკვლელებს უსჯიან. ვერასდროს ვერ უნდა ვნახო ჩემი შვილები, - ამის შესახებ ე.წ. საბოტაჟის საქმეზე ბრალდებულმა საქართველოს მესამე პრეზიდენტმა მიხეილ სააკაშვილმა სასამართლო პროცესზე განაცხადა..
„მიხარია ყველას ნახვა. ვიცი, რომ გაჭირვებით შემოგვიშვეს და ბევრიც გარეთ დარჩა. პატივია ამ ღირსეულ ადამიანებთან ერთად ამ გაუგებრობაში მოხვედრა. აქ ვარ იმისთვის, რომ თავის დროზე თბილისი არ ჩავაბარე, არ გავიქეცი და არ ვისარგებლე შეთავაზებით - აგერ თვითმფრინავი და ქვეყნიდან წადიო. აქ ვარ იმისათვის, რომ უკრაინის მოქალაქე ვარ და უკრაინისთვის ბევრი გავაკეთე.
ჩვენ შეიძლება, ვერ ვთანხმდებით წარსულის მოვლენების ერთიან შეფასებაში, მაგრამ შეუძლებელია, არ ვთანხმდებოდეთ მომავალზე. ჩვენი უთანხმოებები პატარაა დიდ გამოწვევებთან შედარებით და სწორედ ასეთი ერთიანობით გავალთ სამშვიდობოს. ეს რეჟიმი საზრდოობს ჩვენი შიშით. როგორც რუსეთში ამბობენ, შეეგუეთ ამ რეალობასო, ასე არიან ესენიც, მიიღე არსებული რეალობა, დაგვემორჩილე, შეეგუეთ მონობას, შეეგუეთ უბედურებას. ჩვენი პასუხი არის მარტივი, არაფერსაც არ შევეგუებით, არაფერსაც არ მივიღებთ, არაფერს შევუშინდებით, რადგან თქვენ საზრდოობთ ჩვენი შიშით.
საავადმყოფოში როცა სიკვდილის პირას ვიყავი, იმდენად მძიმე მდგომარეობა მქონდა, პროცესებს პრაქტიკულად ჩამოვშორდი და მაშინ პარტია გაიხლიჩა. მაშინ მივხვდი, არ შეიძლება გაჩერება, არ შეიძლება უკან დახევა. ჩვენ არ ვაღიარებთ, არ შევეგუებით და გავიმარჯვებთ. ძალიან მარტივია სიტუაცია. ჩვენ დიდი პოტენციალი გვაქვს, ყველას გაერთიანება არის გარდაუვალი ამ დიდ ბრძოლაში. მანამდე, უნდა ვილაპარაკოთ. მიხარია, რომ ჩემი მეგობრები კარგ მენტალურ ფორმაში არიან, ყველამ ვნახეთ ეს შოუ, რაც აქ იმართება. მართალი გითხრათ გარკვეული სიამოვნებაც მივიღე. მადლობა ამისთვის, რომ ასეთი რამე მაყურებინეთ და მომასმენინეთ, საკანში ამას ვერ ვნახავდი.
მე მიმატებენ სამ წელს, 16 წელი უნდა მქონდეს მისჯილი, იმაზე მეტი, ვიდრე პედოფილებს, სერიულ მკვლელებს უსჯიან. ვერასდროს ვერ უნდა ვნახო ჩემი შვილები, ვერასდროს არ უნდა გავიარო სუფთა ჰაერზე.
ამ ჩემი უბედურების მიზეზები არის ჩემს ბავშვობაში. საბავშვო ბაღში, საბურთალოზე, 4 წლის ასაკში, ფეხის თითზე მიკბინა ზვიგენმა და მას შემდეგ ვერ ვიტან ამ ზღვის ცხოველს. პროკურორმაც უნდა გაითვალისწინოს ეს. ამ თემაზე სიზმარიც დამესიზმრა. სოლოლაკის აღმართს მივუყვებოდით, შევაღეთ კარი, დავიჭირეთ საცოდავი ზვიგენი, დავკალით საბრალო, ძალიან იკლაკნებოდა, მაგრამ დავკალით, შემდეგ ტყეში გადავედით და იქ იყო აფრიკიდან ჩამოტანილი ბაობაბები, მოვჭერით, კოცონი დავანთეთ და ზვიგენი ზედ შევწვით, მთელი სოლოლაკის მოსახლეობა უყურებდა ამ ფაქტს.აქ მხოლოდ სელფის გადაღებაში არაა საქმე, მეტად სერიოზულადაა საქმე. ჩვენ უნდა ვერთიანდებოდეთ არამხოლოდ სასამართლო დარბაზში, არამედ ჩვენს ქუჩებში, ერთობლივ ღონისძიებებზეც, ჯერ ქვეყანა და შემდეგ პირადი ამბიციები... საქართველო აუცილებლად გადარჩება, რამხელა კედელიც არ უნდა აგვიშენონ, მაინც გავანგრევთ და გავუდგებით თავისუფლების გზას, ჩვენ გავიმარჯვებთ. ახლა თქვენის ნებართვით დაგტოვებთ, კალათბურთი მაქვს სათამაშო“
მეგობრებო, ახლა ხვდებით რა იდიოტიზმში და აბსურდში ვცხოვრობთ. ამის მეტი რაღა არის საერთოდ? უნდა ვერთიანდებოდეთ არა მხოლოდ სასამართლო დარბაზში, არამედ ჩვენს მოედნებზე, ჩვენს ქუჩებში, აუდიტორიებში, ერთობლივ ღონისძიებებში. ჯერ ქვეყანა და მერე საკუთარი თავი და რომელიმე პარტია, ჯერ ქვეყანა და მერე ამბიციები, ჯერ ქვეყანა და მისი გადარჩება და მერე ძველი წყენები და კინკლაობა. არჩევანი სრულიად ნათელია, საქართველო აუცილებლად გადარჩება. რამხელა კედელიც არ უნდა აგვიშენოს დიქტატურამ, მაინც გავალთ სამშვიდობოზე, მაინც გავალთ სწრაფი განვითარების გზაზე. ყველაფერი გამოგვივა. ახლა დაგტოვებთ კალათბურთი მაქვს სათამაშო“, – განაცხადა მიხეილ სააკაშვილმა.
