ახალი კუპიურა მთლიანობაში დოლარის სტილს ინარჩუნებს - ბენჟამინ ფრანკლინის გამოსახულება, წყლის ნიშანი, სპეციალური დამცავი ზოლი წარწერა 100 რომელიც ფერს იცვლის.

თუმცა ახალი ფულის დიზაინში სერიოზული ცვლილებებია. ახალი ბანკნოტის ფონი ღია ცისფერია. ამას გარდა კუპიურაზე 3D ხაზია (ფრანკლინის გამოსახულებასთან ახლოს). ბანკნოტის წინა მხარეს გამოსახული ციფრი 100-ც იცვლის ფერს და თაფლისფერიდან მწვანეში გადაის.

ბანკნოტზე გამოსახულია კალამი, რომლითაც დამოუკიდებლობის დეკლარაციას მოეწერა ხელი და ფრაზა დეკლარაციიდან. კალმის გამოსახულებაზე კი წარწერაა "One handred USA". ფრანკლინის საყელოზე კი შეგიძლიათ ამოიკითხოთ - THE UNITED STATES OF AMERICA.
ფედერალური სარეზერვო სისტემის მმართველი საბჭოს დირექტორის მოადგილე მაიკლ ლამბერტი აღნიშნავს, რომ დამცავი მექანიზმების შემუშავებას 10 წელი დასჭირდა და ახალი 100 დოლარიანი მსოფლიოში ყველაზე დაცული კუპიურა იქნება. მის დასაცავად `წამყვანი ტექნოლოგიები გამოიყენეს~. საკმარისია მხოლოდ იმის თქმა, რომ წარწერის `100~ მოძრავი გამოსახულების შესაქმნელად ქაღალდში მილიონამდე მიკროლინზი შეიყვანეს. ამიტომ ახალი კუპიურები ჩვეულებრივზე, რომელთა ბეჭდვაც 11 ცენტი ჯდებოდა 3 ცენტით ძვირი დაჯდა.

თავად ამერიკელები 100 დოლარიანი კუპიურებით ნაკლებად სარგებლობენ. აქ უფრო პოპულარული 5 და 20 დოლარიანი ბანკნოტებია.

100 დოლარიანების გაყალბება ძირითადად შეერთებულ შტატებს გარეთ ხდება. მსოფლიოში ამჟამად მიმოქცევაში დაახლოებით 1 ტრილიონამდე დოლარია.