"მიუხედავად იმისა, რომ რუსეთი გვეპყრობა როგორც მტერს, განგვიხილავს როგორც მტერს, ჩვენ მზად ვართ და გვსურს მასთან დიალოგი", - განაცხადა საქართველოს პრეზიდენტმა მიხეილ სააკაშვილმა პარლამენტში ყოველწლიური მოხსენებით გამოსვლის დროს.
"მიუხედავად იმისა, რომ რუსეთი გვეპყრობა როგორც მტერს, განგვიხილავს როგორც მტერს, ჩვენ მზად ვართ და გვსურს მასთან დიალოგი, მაგრამ არასოდეს შევეგუებით არც ერთი მოტივით საქართველოს დანაწევრებას, ჩვენი განუყოფელი ნაწილების ოკუპაციას, არასდროს დავთმობთ ქართველი ხალხის თავისუფალ არჩევანს და ევროატლანტიკურ კურსს", _ განაცხადა საქართველოს პრეზიდენტმა.
მისი თქმით, დღეს მთელი მსოფლიო ხედავს, ვინ არის აგრესორი და ვინ იბრძვის მშვიდობის შესანარჩუნებლად, ვინ აშენებს სამხედრო ბაზებს, დგამს იქ რაკეტებს და ვინ აცხადებს უარს ძალადობრივი გზებით ურთიერთობის გარკვევაზე.
"ჩვენი მყარი პოზიციაა ვუერთგულოთ მშვიდობას მშვიდობით, არაძალადობით, შენებით, განვითარებითა და რეფორმებით მოვამთავროთ ის, რაც ომმა და აგრესიამ დაანგრია", _ განაცხადა საქართველოს პრეზიდენტმა.