ვიცე პრემიერ-მინისტრმა გიორგი ბარამიძემ მორიგი გაფართოებული შეხვედრა გამართა არასამთავრობო სექტორისა და სამოქალაქო საზოგადოების წარმომადგენლებთან. შეხვედრას ევროკავშირის აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის საკოორდინაციო საბჭოს წევრები ესწრებოდნენ.
საქართველოს ეროვნული პლატფორმა ოთხმოცი არასამთავრობო ორგანიზაციის გაერთიანებას წარმოადგენს. მისი მიზანი საქართველოს ევროკავშირში ინტეგრაციის პროცესის მონიტორინგი და ამ პროცესში საქართველოს მთავრობისა და ევროკომიისათვის რეკომენდაციების შემუშავება, ასევე საქართველოს ევროკავშირთან დაახლოებისა და ევროპულ სტრუქტურებში ინტეგრაციის მხარდაჭერაა.
ასეთი სახის შეხვედრებს ვიცე პრემიერ-მინისტრი რეგულარულად მართავს საზოგადოებრივ მრჩეველთა საბჭოსთან, სხვადასხვა არასამთავრობო ორგანიზაციებსა და გაერთიანებებთან, სამოქალაქო საზოგადოების წარმომადგენლებთან, სადაც ნატო-სა და ევროკავშირში ინტეგრაციის აქტუალური საკითხები განიხილება.
