ლიტვას ქვეყნის გაზით უზრუნველყოფაში აზერბაიჯანის იმედი აქვს, ეს განცხადება ბაქოში ვიზიტისას ლიტვს სეიმის თავმჯდომარემ ირენა დეგუტემ გააკეთა.
მისი თქმით, ბაზარზე გაზის მაღალი ფასის გამო ლიტვის გაზით მომარაგებაში პრობლემებია.
"იმის გათვალისწინებით, რომ აზერბაიჯანი ამ სფეროში უკვე დაეხმარა საქართველოს, იმედი გვაქვს, რომ ისინი ჩვენთანაც ითანამშრომლებს. ჩემი ვიზიტის ფარგლებში ეს საკითხი უკვე განიხილებოდა",- განაცხადა დეგუტენემ.
ამას გარდა, ლიტვის სეიმის თავმჯდომარემ ასევე აღნიშნა, რომ მის მიერ ჩატარებულ ოფიციალურ შეხვედრებზე განიხილებოდა ასევე აზერბაიჯანის მხრიდან ლიტვაში ინვესტირების საკითხიც.
აღსანიშნავია, რომ ამ დროისათვის აზერბაიჯანი განიხილავს გაზის მზარდი მოცულობების რეალიზაციის სხვადასხვა ვარიანტებს. კერძოდ, განსახილველი თემებია: აზერბაიჯანული გაზის ტრანსპორტირება "სამხრეთ დერეფანში" შემავალი გაზსადენებით.
მსგავს პროქტთა შორის არის "ნაბუკო", ITGI, TAP და "თეთრი ნაკადი".
ამას გარდა კომპანია "სოკარი" ასევე განიხილავს რუმინეთში საქართველოს შავი ზღვის სანაპიროს გავლით გათხევადებული გაზის ტრანსპორტირების პროექტსაც.