"ეიჩ ეს ბი სის" ინფორმაციით, ევროპის ერთ-ერთი ყველაზე პრესტიჟული კონკურსი უკვე ღიაა ბიზნესებისთვის. ინოვაციური კომპანიები, რომელთაც მიუხედავად მიმდინარე რთული ეკონომიკური პირობებისა მაინც შეძლეს წარმატებული განვითარება, მოიაზრებიან "ეიჩ ეს ბი სი"-ს სპონსორობით წარმართული ევროპული ბიზნეს დაჯილდოების პოტენციურ მონაწილეებად. პროგრამა ეპატიჟება ყველა ზომის ბიზნესს წარმოაჩინოს საკუთარი მიღწევები.
კომპანიაში განმარტავენ, რომ მისი არსებობის მეხუთე წელს დაჯილდოება ბიზნესებს აძლევს უპრეცენდეტო შესაძლებლობას წარმოადგინონ საკუთარი ქვეყანა ევროპის მასშტაბით. 2010 წელს პროგრამამ მოიცვა 15,000 კომპანიაზე მეტი, რომლებიც წარმოადგენდნენ თითქმის ყველა სექტორს და მათი საერთო ბრუნვა შეადგენდა €766 მილიარდ ევროზე მეტს (ევროპის მშპ-ს 6%). ამ ბიზნესებში მთლიანად დასაქმებული იყო 3.5 მილიონი ადამიანი.
2010 წელს "ეიჩ ეს ბი სი" ბანკის მხარდაჭერით, ქართულ კომპანიებს პირველად მიეცათ საშუალება წარმოედგინათ საკუთარი ქვეყანა ევროპულ ბიზნეს დაჯილდოებაზე და წარმატებამაც არ დააყოვნა: სამმა ქართულმა კომპანიამ ვისოლ ჯგუფმა, გუდვილმა და ეფეს საქართველომ მიიღო Ruban d'Honneur-ის ჯილდო და დასახელდა 100 საუკეთესო ევროპულ კომპანიას შორის, ხოლო საბოლოო ეტაპზე ვისოლ ჯგუფმა გაიმარჯვა ერთ-ერთ ფინალურ კატეგორიაში - თავჯდომარის არჩევანი.
მონაწილეთა მაღალი ხარისხისა და შეფასების მკაცრი სისტემის გამო მხოლოდ საუკეთესოები ხდებიან ქვეყნის წარმომადგენლები. Fფინალისტები იღებენ Ruban d'Honneur--ის ჯილდოს ათ კატეგორიაში, ხოლო საბოლოო გამარჯვებულებს გადაეცემათ უაღრესად პრესტიჟული და საპატიო ევროპული ბიზნეს ჯილდო.
ევროპული ბიზნეს დაჯილდოების გამარჯვებულები დასახელდებიან 2011 წლის ნოემბერში ევროპის ასობით წარმატებული პოლიტიკოსის, ბიზნესისა და მედიის წინაშე.
