მოძრაობის "სოლიდარობა უკანონო პატიმრებს" ლიდერი ეკა ბესელია ოპოზიციონერ დეპუტატებს მოუწოდებს, მიხეილ სააკაშვილის პარლამენტში გამოსვლისას მისი იმპიჩმენტის დოკუმენტი გააფორმონ.
"მივმართავ პარლამენტის იმ დეპუტატებს, რომლებიც მიიჩნევენ თავს ოპოზიურ ძალად.დღეს, საქართველოს პარლამენტში მიხეილ სააკაშვილის სტუმრობა მორიგ პოლიტიკურ კამუფლიაჟად და ჟონგლიორობის ხელოვნებით გამდიდრებულ პოლიტიკურ შოუდ რომ არ დარჩეს ისევე, როგორც ეს აქამდე ხდებოდა, მოგიწოდებთ მისი თანდასწრებით ხელი მოაწეროთ მიხეილ სააკაშვილის იმპიჩმენტის დოკუმენტს, რომელიც შემოტანილი აქვს ლეიბორისტულ პარტიას და მოთხოვოთ მიხეილ სააკაშვილს გადადგომა", - ნათქვამია ბესელიას მოძრაობის განცხადებაში.
მისივე განმარტებით, Eეს იქნება ის ქმედება, რომელსაც მათგან ის ადამიანები მოელიან, რომლებმაც სააკაშვილს და მის გუნდს 2008 წლის 21 მაისის საპარლამენტო არჩევნების დროს ხმა არ მისცეს. E
"ეს არის ის დავალებაც, რომელიც თქვენ მოგცათ იმ ამომრჩევლებმა ვინც ითხოვდა სააკაშვილის ხელისუფლების შეცვლას. იმპიჩმენტის საფუძვლები მოხმობილია ხსენებულ დოკუმენტში, დამატებითი არგუმენტების დასაბუთებისთვის კი სრულად იხელმძღვანელეთ სახალხო კრებაზე 25 ნოემბერს ხალხის მიერ მიღებული უნდობლობის ვერდიქტით", - აღნიშნულია განცხადებაში.