11 თებერვლისთვის დაგეგმილ აუქციონზე ეკონომიკისა და მდგრადი განვითარების სამინისტრო 2 ობიექტის გაყიდვას შეეცდება.
სამინისტროს ინფორმაციით, იყიდება დიდიდიღომი-გლდანის მაგისტრალისა და ბელიაშვილის ქუჩის გადაკვეთის მიმდებარედ განთავსებულ სახელმწიფო საკუთრებაში არსებულ შენობა-ნეგებობებზე ჩასატარებელი სადემონტაჟო სამუშაოს შედეგად მისაღები მეორადი სამშენებლო მასალა და მეორადი მოხმარების საოფისე ინვენტარი (პირობებიანი). ობიექტის საწყისი ღირებულება 100 ათასი ლარია.
დაგეგმილია ასევე ზუგდიდში, სოფელ ინგირში მდებარე სასოფლო-სამეურნეო დანიშნულების მიწის ნაკვეთი, რომლის საწყისი ღირებულებაც 3 ათას 805 ლარადაა შეფასებული.