15 თებერვლიდან საქართველოში მობილური ნომრის პორტაბელურობის სერვისი შემოდის.
"ბილაინის" ინფორმაციით, Mobile Number Portability - "მობილური ნომრის პორტირება" არის მომსახურება, რომელიც აბონენტს აძლევს საშუალებას, ერთი ქვეყნის ფარგლებში, შეინარჩუნოს მისი ნომერი სხვა ოპერატორზე გადასვლისას.
აბონენტს თუ "ნომრის პორტირების" სურვილი აქვს, უნდა მივიდეს იმ ოფისში, რომლის აბონენტად გახდომაც სურს, პასპორტის ან პირადობის მოწმობით და დაწეროს განცხადება პორტაციის მოთხოვნით. ოპერატორის ოფისში, მას მისცემენ შIM-ბარათს მის მიერ არჩეული ნომრით და სატარიფო გეგმით, რომელზედაც მიიღებს შMშ-ს პორტაციის სავარაუდო თარიღისა და დროის მითითებით ან უარით. ნომრის პორტირებისას, აბონენტითვის შეუძლებელი იქნება მომსახურების მიღება, მაქსიმუმ 3 საათით.
ნომრის პორტირება არის უფასო, პორტაციის განხორციელება შეიძლება შეუზღუდავი რაოდენობით. პორტაცია შეიძლება მოხდეს 30 დღეში ერთხელ.
პორტირება იმ შემთხვევაში არ მოხდება, თუ სააბონენტო ნომერი ეკუვთვნის სხვა პირს, ან სააბონენტო ნომრის მფლობელის ვინაობა არ არის დადგენილი; აბონენტმა უკვე შეავსო განაცხადი იმავე სააბონენტო ნომერზე სხვა ოპერატორ-მიმღებთან; ბოლო პორტირების შემდეგ არ გასულა 30 დღე; აბონენტს ოპერატორ-დონორთან მომსახურების დავალიანება აქვს 30 დღეზე მეტი და/ან დავალიანების გამო მომსახურების გაწევა შეეზღუდა.
15 თებერვლიდან 15 აპრილამდე პორტირების მაქსიმალური ვადა 14 სამუშაო დღეა, 16 აპრილიდან 16 ივლისის ჩათვლით 7 სამუშაო დღე, შემდგომ - 3 სამუშაო დღე.
სააბონენტო ნომრების პორტაბელურობის დებულებიდან გამომდინარე, ფიქსირებული ნომრების პორტირება შესაძლებელი გახდება 2011 წლის 15 ოქტომბრის შემდეგ.