სტამბულში გაიმართება საერთაშორისო ტურისტული გამოფენა "EMITT 2011"-, რომელზეც თავისი სტენდით აჭარის ტურიზმისა და კურორტების დეპარტამენტიცაა წარმოდგენილი.
სტენდი სპეც დიზაინითაა შექმნილი და ვიზიტორებს და გამოფენის მონაწილეებს ეგებება სლოგანით - "მე მივდივარ ბათუმში" - ეს არის ახლი თურქული პოპულარული სიმღერის სათაური. ამ სიმღერის შემსრულებელი ეწვევა ჩვენ სტენდს და შეასრულებს ამ პოპულარულ სიმღერას. სტენდზე ასევე გაიმართება ქართული ფოლკლორის წარმოდგენა და შესრულდება ქართული მრავალხმიანი სიმღერები.
"EMITT 2011"-ში 60 ქვეყნიდან 4 000 წარმომადგენელი მონაწილეობს. ეს გამოფენა არის ერთ-ერთი უდიდესი მსოფლიოში და მასში მონაწილეობას რეგიონისათვის დიდი მნიშვნელობა აქვს. გამოფენაზე ტურიზმის დეპარტამენტთან ერთად აჭარის ტურიზმის სააგენტოს, ასევე რეგიონის სხვა კერძო ტურისტული კომპანიებისა თუ სასტუმროების წარმომადგენლებიც იმყოფებიან, რომლებიც იმედოვნებენ ახალი პარტნიორების შეძენასა და მეტი ტურისტის მოზიდვას აჭარაში.