საქართველომ უნდა გაიგოს, რომ რუსეთის მიერ სამხრეთ ოსეთის დამოუკიდებლობის აღიარება არ შეიცვლება და ურთიერთობების კონსტრუქციულ საფუძველზე დამყარებაზე გადავიდეს. ამის შესახებ ოკუპირებული ცხინვალის ე.წ. საგარეო საქმეთა მინისტრმა ახსარ ჯიოევმა რუსულ მედიას განუცხადა.
„რაც შეეხება თბილისის მოწოდებებს რუსეთისადმი, გავიდეს სამხრეთ ოსეთიდან და გააუქმოს მისი აღიარება, ჩვენ არაერთხელ აღვნიშნეთ, რომ რუსეთის ფედერაციამ უმაღლეს დონეზე გაუსვა ხაზი ამ გადაწყვეტილებებს.
„და რუსეთი, როგორც ბირთვული ძალა და გლობალური ძალაუფლების უზარმაზარი ცენტრი, ამ გადაწყვეტილებებს არ შეცვლის. ვფიქრობ, საქართველომ უნდა მიიღოს და აღიაროს ეს რეალობები“, - განაცხადა მან.
მარიონეტული რეჟიმის წამომადგენელი მიიჩნევს, რომ საქართველო ჯერ არ არის მზად ახალი რეალობების მისაღებად და სამხრეთ ოსეთთან და აფხაზეთთან, როგორც „საერთაშორისო სამართლის სუბიექტებთან“, კონსტრუქციული ურთიერთობების დასამყარებლად.
„საქართველო ჯერ მზად არ არის, მაგრამ იმედი მაქვს, რომ ეს უახლოეს მომავალში ეს მოხდება“, - აღნიშნა კრემლის მარიონეტმა.
