კუკავა მიიჩნევს, რომ 7 თებერვალს ტელეკომპანია იმედის საინფორმაციო გამოშვება ,,ქრონიკაში" კუკავასა და იგორ გიორგაძეს შორის შესაძლო პარტნიორობის შესახებ გასულ სიუჟეტში, იყო ცილისმწამლებლური და დაუსაბუთებელი განცხადებები.

"სახელწოდებით - ,,გაყრა კონსერვატორულად". ,,ქრონიკის" წამყვანი, სიუჟეტის დაწყებამდე აცხადებს, რომ: ,,იგორ გიორგაძის ახალი პარტნიორი ქართულ პოლიტიკაში კახა კუკავა ხდება". ამას მოსდევს სიუჟეტის ავტორის განცხადებები, რომ გიორგაძე/კუკავას ურთიერთობამ კონსერვატიულ პარტიას რუსული ფულის მიღების საშუალება უნდა მისცეს, რომ კახა კუკავას არასამთავრობო ორგანიზაციას იგორ გიორგაძე დააფინანსებს და ა.შ. მსგავსი სახის დაუსაბუთებელი და ცილისმწამებლური განცხადებები. ვინაიდან, ზ/აღნიშნულ სიუჟეტში მოცემული ფაქტები (იმ შემთხვევაში, თუ ეს ფაქტები სიმართლეს შეესაბამება) თავისი არსით სს წესით დასჯად ქმედებად გვევლინება, გთხოვთ: მოცემულ ფაქტზე მთავარ პროკურატურაში დაიწყოს გამოძიება; დაიკითხონ სიუჟეტის ავტორი ლევან ჩხაიძე, ტელეკომპანია ,,იმედის" გენერალური დირექტორი გიორგი არველაძე, მოძრაობა ,,თავისუფალი საქართველოს" თავმჯდომარე კახა კუკავა და ყველა ის პირი ვინც ფლობს შესაძლო ინფორმაციას სიუჟეტში გადმოცემულ ფაქტებთან დაკავშირებით. სს პასუხისგებაში მიეცნენ გამოძიების შედეგად გამოვლენილი, სს დანაშაულის ჩამდენი პირები", - აღნიშნულია მიმართვაში.