ადვოკატის თქმით, ჯგუფური ძალადობის ორგანიზებისა და მასში მონაწილეობის ფაქტზე დაკავებულ მანანა გიორგობიანს ფსიქიატრიული ექსპერტიზა დაენიშნა.
“მანანა გიორგობიანს გამოძიება ედავება სისხლისსამართლის კოდექსის 225-ე მუხლის პირველი ნაწილით გათვალისწინებული შსს დანაშაულის ჩადენას, რაც გულისხმობს ჯგუფური ძალადობის ორგანიზებას.
ამ ეტაპზე მოგახსენებთ, რომ ექსპერტიზა არის ბრალდების მხარის მიერ დანიშნული, პროკურატურამ დანიშნა ფსიქიატრიული ექსპერტიზა, რაც შეეხება აღკვეთის ღონისძიების საკითხთან დაკავშირებით დაცვის მხარის პოზიციას, ჩვენ მოგახსენებთ სხდომის დარბაზში გავაჟღერებთ აღნიშნულ პოზიციას.” - თქვა ლევან მარსაგიშვილმა ჟურნალისტებთან საუბრისას.
მანანა გიორგობიანს ბრალდება საქართველოს სისხლის სამართლის კოდექსის 225-ე მუხლის პირველი ნაწილით წარედგინა, რაც ჯგუფური მოქმედების ორგანიზებასა და ხელმძღვანელობას გულისხმობს, რასაც თან ახლდა ძალადობა. აღნიშნული ბრალდება სასჯელის სახედ და ზომად 9 წლამდე თავისუფლების აღკვეთას ითვალისწინებს.რაც შეეხება დაკავებულ 5 პირს, მათ შორის, ჯაკო ჩარკვიანს, ჯგუფურ ძალადობაში მონაწილეობას ედავებიან.
