უნგრეთის პრემიერ-მინისტრმა ვიქტორ ორბანმა განაცხადა, რომ უნგრელებს შორის ხელმოწერების შეგროვებას იწყებს ბრიუსელის მიერ უკრაინის ომში მხარდაჭერისთვის „სამხედრო გეგმის“ წინააღმდეგ. ამის შესახებ ორბანი Facebook-ზე წერს.
ორბანმა განაცხადა, რომ ევროპა „სულ უფრო და უფრო სწრაფად მიექანება ომისკენ“.
„რამდენიმე კვირის წინ კოპენჰაგენში ბრიუსელის საომარი გეგმა წარადგინეს: ევროპა იხდის, უკრაინელები იბრძვიან და რუსეთი საბოლოოდ დაიღალება. ჩვენ არ გვეუბნებიან, რა დაჯდება ეს ან რამდენ ხანს გაგრძელდება“, - განაცხადა უნგრეთის მთავრობის მეთაურმა.
ორბანის თქმით, მან უკვე ნათლად განაცხადა დანიაში: ბუდაპეშტს ეს არ სურს.
და მას შემდეგ, ორბანის თქმით, უნგრეთის წინააღმდეგ დაიწყო კამპანია „ფართო არსენალის“ გამოყენებით: ჯაშუშობის ბრალდებები, ყალბი ამბების სკანდალები და იურიდიული მანიპულაციები.
„ჩვენ არ შეგვიძლია უმოქმედოდ ვიყოთ! კიდევ ერთხელ უნდა ვაჩვენოთ, რომ უნგრელ ხალხს ომი არ სურს. ამიტომ, დღეს ჩვენ ვიწყებთ ხელმოწერების შეგროვებას ბრიუსელის სამხედრო გეგმების წინააღმდეგ. ჩვენ ყველა ქალაქში და ყველა სოფელში ვიქნებით, რადგან ახლა ყველა მშვიდობისმოყვარე უნგრელი გვჭირდება!" - დაწერა ვიქტორ ორბანმა.
