2011 წლის იანვარში 2010 წლის იანვართან შედარებით ინფლაციის დონემ საქართველოში 12.3 პროცენტი შეადგინა. "საქსტატის" ინფორმაციით, 12 თვიან პერიოდში აღნიშნული მაჩვენებლის ფორმირებაში ძირითადი გავლენა იქონია ფასების მატებამ შემდეგ ჯგუფებზე:
სურსათი და უალკოჰოლო სასმელები: მოცემულ პერიოდში ფასები გაიზარდა 25.2 პროცენტით.
შესაბამისად, ჯგუფის წვლილმა ეროვნულ ინდექსში 10.2 პროცენტი შეადგინა. აღნიშნული მაჩვენებელი ძირითადად განაპირობა ფასების მატებამ ბოსტნეულსა და ბაღჩეულზე _ 50.8 პროცენტით, ხილსა და ყურძენზე - 38.3 პროცენტით, ზეთი და ცხიმზე - 35.5 პროცენტით, პური და პურპროდუქტების ჯგუფზე _ 20.0 პროცენტით, შაქარსა და საკონდიტრო ნაწარმზე _ 16.6 პროცენტით.
ტრანსპორტი: ჯგუფის წვლილმა ეროვნულ ინდექსში 0.7 პროცენტი შეადგინა. 12 თვის განმავლობაში ფასების მნიშვნელოვანი ზრდა დაფიქსირდა დიზელის საწვავზე 20.5 პროცენტი და ბენზინზე _ 13.7 პროცენტი.
საცხოვრებელი სახლი, წყალი, ელექტროენერგია, აირი და სათბობის სხვა სახეები: ჯგუფის წვლილმა ინდექსის ფორმირებაში შეადგინა 0.4 პროცენტი. მოცემულ პერიოდში ფასები გაიზარდა 2.8 პროცენტით. მნიშვნელოვანი ზრდა დაფიქსირდა ნაგვის გატანის ღირებულებაზე და წყლის გადასახადზე _ 66.7 და 9.6 პროცენტი, შესაბამისად.
ალკოჰოლური სასმელები, თამბაქო: ჯგუფის წვლილმა ინდექსში 0.3 პროცენტი შეადგინა. ფასები მნიშვნელოვნად გაიზარდა ალკოჰოლურ სასმელების ქვეჯგუფზე _ 27.1 პროცენტით.
