2011 წლის იანვარში წინა თვესთან შედარებით საქართველოში ინფლაციის დონემ 2.1 პროცენტი შეადგინა. "საქსტატის" მიერ გამოქვეყნებული ინფორმაციით, ინფლაციის მაჩვენებლის ფორმირებაში ძირითადი გავლენა იქონია ფასების მატებამ შემდეგ ჯუფებზე:
სურსათი და უალკოჰოლო სასმელები: მოცემულ პერიოდში ფასები გაიზარდა 4.2 პროცენტით, შესაბამისად, ჯგუფის წვლილმა ინფლაციის საერთო მაჩვენებელში 1.85 პროცენტი შეადგინა.
აღნიშნული ჯგუფში ყველაზე დიდი ფასების ზრდა დაფიქსირდა ბოსტნეულსა და ბაღჩეულზე 11.7 პროცენტით, ხილსა და ყურძენზე - 8 პროცენტი, შაქარსა და საკონდიტრო ნაწარმზე - 6.2 პროცენტი.
სტატისტიკის ეროვნული სამსახურის ინფორმაციით, საცხოვრებელი სახლი, წყალი, ელექტროენერგია, აირი და სათბობის სხვა სახეები: ფასები გაიზარდა 0.4 პროცენტით, რაც ძირითადად განაპირობა ნაგვის გატანის ღირებულების 66.7 პროცენტიანმა ზრდამ.
ტრანსპორტი: მოცემულ ჯგუფში ფასები გაიზარდა 0.6 პროცენტით. ფასების მკვეთრი ზრდა აღინიშნა საგარეუბნო ავტობუსით მგზავრობაზე (8.2 პროცენტი) და თვითმფრინავით მგზავრობაზე (8.3 პროცენტი).
