საქართველოს პრეზიდენტი მიხეილ სააკაშვილი გერმანიაში უკვე გაემგზავრა
ქვეყნის პირველი პირი მიუნხენის უსაფრთხოების 46-ე ყოველწლიურ კონფერენციაში მიიღებს მონაწილეობას, რომელიც დღეს გაიხსნება. დაგეგმილია მისი სიტყვით გამოსვლაც.
კონფერენციის ფარგლებში საქართველოს პრეზიდენტი ორმხრივ შეხვედრებსაც გამართავს, მათ შორის გერმანიის კანცლერ ანგელა მერკელსა და შვეიცარიის პრეზიდენტთან.
შეგახსენებთ, რომ მიუნხენში უსაფრთხოების კონფერენცია ყოველწლიურად იმართება. წელს ის დღეს იხსნება და 6 თებერვლამდე გასტანს. მას 350-ზე მეტი მაღალი დონის სტუმარი დაესწრება.
კონფერენციაზე განსახილველი საკითხებია: ახალი გამოწვევები, საერთაშორისო უსაფრთხოების პოლიტიკა, მსოფლიო ფინანსური კრიზისი, კიბერ ომი, განიარაღება და ბირთვული იარაღის გაუვრცელებლობა.
