4 თებერვალს, 11:00 საათზე, თბილისის სახელმწიფო უნივერსიტეტის II კორპუსში გაიმართება მემორანდუმის ხელმოწერის ცერემონიალი საქართველოს მთავარ პროკურატურასა და თსუ-ის იურიდიულ ფაკულტეტს შორის.
ღონისძიებაში მონაწილეობას მიიღებენ საქართველოს მთავარი პროკურორის პირველი მოადგილე დავით საყვარელიძე და იურიდიული ფაკულტეტის დეკანი ირაკლი ბურდული.
მემორანდუმი ითვალისწინებს მთავარი პროკურატურის თანამშრომლობას თსუ-ის იურიდიული ფაკულტეტის სტუდენტებთან, საგანმანათლებლო ლექცია-სემინარების, მასტერ-კლასებისა და იმიტირებული სასამართლო პროცესების ჩატარებას უცხოელი ექსპერტების მონაწილეობით; მოკლევადიანი სასერტიფიკატო პროგრამების ერთობლივად განხორციელებას; სხვა საგანმანათლებლო პროექტებს.
