გერმანიის მთავრობა ესპანეთში ტყის ხანძრების ჩასაქრობად გერმანიის ფედერალური მიწებიდან, ჩრდილოეთ რაინ-ვესტფალიიდან და ქვემო საქსონიიდან, მეხანძრეებს აგზავნის.
გერმანელი მეხანძრეები ქვეყნის ჩრდილო-დასავლეთით განლაგდებიან. ისინი ესპანეთის ჩრდილოეთში 19 აგვისტოს საღამოსთვის ჩავლენ.
ოპერაციაში ჩართულია 67 მაშველი - როგორც პროფესიონალი მეხანძრეები, ასევე მოხალისეები, რომლებმაც გაიარეს შესაბამისი ტრენინგი, ასევე 21 მანქანა და სამი მისაბმელი.
ესპანეთში წლევანდელი ხანძრების სეზონის დაწყებიდან, დაახლოებით 10 700 ადამიანი იძულებული გახდა დაეტოვებინა საკუთარი სახლები დაეტოვებინა.
ყველაზე მეტად დაზარალებულია ჩრდილო-დასავლეთით კასტილია და ლეონი და გალისია, აღმოსავლეთით ვალენსია და პორტუგალიის საზღვართან მდებარე ესტრემადურა.
ევროპის ტყის ხანძრების საინფორმაციო სისტემის (EFFIS) მონაცემებით, წლის დასაწყისიდან ქვეყნის მასშტაბით დაახლოებით 150 ათასი ჰექტარი დაიწვა.
ესპანეთში ამ ზაფხულს, სულ მცირე 25 ადამიანი დააკავეს ტყის ხანძრების განზრახ გაჩენის ბრალდებით.
