ადამიანის უფლებათა დაცვის ევროპულმა სასამართლომ საქართველოს სარჩელთნ დაკავშირებით რუსი მოწმეების დაკითხვა განაახლა.
პროცესი რამდენიმე საათია მიმდინარეობს. მილიციელებისა და მიგრაციის თანამშრომლების გარდა დღეს სასამართლოს შეკითხვებს 2006 წელს საქართველოში რუსეთის კონსული ვალერი ვასილევიც უპასუხებს. მას შეკითხვებს ორივე _ ქართული და რუსული მხარე და თავად სასამართლოც დაუსვამს.
სტრასბურგში ქართული დელეგაციის წევრების განცხადებით, რუს მოწმეებს "ძალიან რთულ და მათთვის არასასიამოვნო კითხვებზე მოუწევთ პასუხის გაცემა".
აღსანიშნავია, რომ უკვე ხვალიდა, 4 თებერვლიდან, ადამიანის უფლებათა დაცვის ევროპული სასამართლო რუსეთის წინააღმდეგ საქართველოს სარჩელთან დაკავშირებით დამოუკიდებელი ექსპერტების დაკითხვას დაიწყებს, მათ შორის იგეგმება ევროსაბჭოს საპარლამენტო ასამბლეის მონიტორინგის კომიტეტის მომხსენებლის მათიას იორშისა და საქართველოს სახალხო დამცველის გიორგი ტუღუშის მოსმენა.
შეგახსენებთ, რომ სტრასბურგის სასამართლოში საქართველოს სარჩელის განხილვა მიმდინარეობს. საქმე ეხება 2006 წელს რუსეთიდან ქართველების მასობრივ დეპორტაციას, რაც თბილისის შეფასებით, ეთნიკურ ნიადაგზე მოხდა. სასამართლომ გასულ კვირას მოწმის სახით ქართული მხარის მიერ წარდგენილი მოწმეები დაკითხა.