საქართველოს მთავრობა ჯავახეთში დაცული ტერიტორიის შექმნას გეგმავს.
აღნიშნულთან დაკავშირებით მთავრობამ საკანონმდებლო ინიციატივით "ჯავახეთის დაცული ტერიტორიების შექმნისა და მათვის შესახებ" პარლამენტს უკვე მიმართა.
"საქართველოს გეოგრაფიული მდგომარეობა და რესურსები იძლევა საშუალებას, რომ გვქონდეს დაცული ტერიტორიები შესაბამისი ინფრასტრუქტურით. აქედან გამომდინარე ერთ-ერთი ასეთი მნიშვნელოვანია პროექტი, რომელიც განხორცილდება ჯავახეთის დაცული ტერიტორიების სახით. ვფიქრობთ, რომ აღნიშნული რეგიონი ამის საშუალებას იძლევა", - აღნიშნა "ჯი-ეიჩ-ენთან" საუბრისას მთავრობის საპარლამენტო მდივანმა გია ხუროშვილმა.
მისი თქმით, მთავრობის ამოცანაა, საქართველოს ბუნებას მოუაროს, მითუმეტეს მაშინ, როდესაც ძალიან მნიშვნელოვან ადგილი უკავია მსოფლიოში ეკოლოგიურ პრობლემებს.
"კანონპროექტის მიზანია პირველ რიგში ეკოსისტემების დაცვა. შესაბამისად დაცული ტერიტორიების შემქნა გულისხმობს იმავდროულად სათანადო ინფრასტრუქტურის განვითარებას, რომელიც დაინტერესების საგანი გახდება, როგორც ქართველობისთვის, ასევე უცხოელებისთვის. ამას შესაბამისად ინვესტიციების გახორციელებაც მოჰყვება", - აღნიშნა მთავრობის საპარლამენტო მდივანმა.
