გერმანიის საგარეო საქმეთა მინისტრი იოჰან ვადეფული აცხადებს, რომ რუსეთ-უკრაინის ომის მშვიდობიანი გზით მოგვარება უკრაინისთვის უსაფრთხოების მკაფიო გარანტიებს მოითხოვს. ამის შესახებ ის Х-ზე წერს.
მინისტრმა აღნიშნა, რომ ევროპა მტკიცედ დგას უკრაინის მხარეს, მიუხედავად იმისა, თუ რას გეგმავს კრემლის ლიდერი ვლადიმირ პუტინი.
„მშვიდობიანი დარეგულირება უკრაინისთვის უსაფრთხოების მკაფიო გარანტიებს მოითხოვს - ჩვენ, ევროპელები, ამისთვის მზად ვართ შეერთებულ შტატებთან ერთად. „უკრაინის საკითხზე მოლაპარაკებები უკრაინის გარეშე არ იქნება“, - განაცხადა გერმანიის საგარეო საქმეთა მინისტრმა.
როგორც ცნობილია, აშშ-ის პრეზიდენტმა დონალდ ტრამპმა მხარი დაუჭირა უკრაინისთვის უსაფრთხოების გარანტიების იდეას.
ტრამპმა განაცხადა, რომ ეს არ იქნება ნატო-ს მისია. უკრაინა იმედოვნებს, რომ აშშ გარკვეულ როლს შეასრულებს ამ მისიაში.
