საქართველოს საგარეო საქმეთა მინისტრმა გრიგოლ ვაშაძემ ლუქსემბურგის საჰერცოგოში ვიზიტი დაასრულა. ვიზიტის ფარგლებში საქართველოს საგარეო საქმეთა მინისტრი ლუქსემბურგის დიდი საჰერცოგოს ვიცე-პრემიერ მინისტრს, იმიგრაციისა და საგარეო საქმეთა მინისტრს ჟან ასელბორნს შეხვდა.
შეხვედრაზე განხილულ იქნა საქართველოსა და ლუქსემბურგის დიდ საჰერცოგოს შორის ორმხრივი და მრავალმხრივი ურთიერთობების ფართო სპექტრი. მხარეებმა ისაუბრეს რეგიონში არსებულ სიტუაციაზე და ევროკავშირთან დაახლოების კუთხით საქართველოს მიერ მიღწეულ პროგრესზე. ლუქსემბურგის საგარეო საქმეთა მინისტრმა ხაზგასმით აღნიშნა, რომ ლუქსემბურგი მხარს უჭერს საქართველოს ტერიტორიულ მთლიანობას და მზად არის მაქსიმალური წვლილი შეიტანოს არსებული მდგომარეობის მშვიდობიანად დარეგულირების პროცესში.
აღსანიშნავია, რომ ლუქსემბურგიდან გრიგოლ ვაშაძე ვიზიტს პოლონეთში განაგრძობს.