მოძრაობა "სამართლიანი საქართველოსთვის" გამგეობის თავმჯდომარე სერგო ჯავახიძე ამ წუთებში აშშ-ის რესპუბლიკური ინსტიტუტის (IRI)-ის დირექტორს ხვდება.
როგორც ჯავახიძემ შეხვედრის დაწყებამდე განაცხადა, საუბარი შეეხება მოძრაობის სამომავლო გეგმებსა და პერსპექტივებს.
"ჩვეულებრივი სამუშაო შეხვედრა გვექნება, იგეგმება შეხვედრები NDI-თან და სხვადასხვა არასამთავრობო ორგანიზაციებთან. დღეს საუბარი გვექნება პარტიის სამომავლო გეგმებზე", - განაცხადა ჯავახიძემ.
მისი თქმით, მოძრაობა რეალურად იწყებს მოქმედებას.
ჯავახიძის განმარტებით, ზურაბ ნოღაიდელის პარტიის თავჯდომარეობიდან გადაყენების შემდეგაც, მოძრაობა "სამართლიანი საქართველოსთვის" დარჩება ოპოზიციაში და გააგრძელებს იმავე გზას, რაც ახალი გამგეობის ჩამოყალიბებამდე იყო.