"ქართული დასი" მიმდინარე კვირას სოფლის მეურნეობის სტრატეგიული და დაფინასნების გეგმების პრეზენტაციას გამართავს.
ამის შესახებ "ქართული დასის" ლიდერმა ჯონდი ბაღათურიამ დღეს გამართულ ბრიფინგზე განაცხადა.
მისი თქმით, პარტიამ ექსპერტებთან ერთად შეიმუშავა სოფლის განვითარების გეგმა, რომელშიც დათვლილია როგორც აუთვისებელი სასოფლო-სამეურნეო მიწების ოდენობა, ასევე რომელ რეგიონში რა კულტურის მოყვანა იქნება მომგებიანი.
"ჩვენ უკვე მოვახდინეთ სრული ინვეტარიზაცია სასოფლო-სამეურნეო მიწების. სოფლის მეურნეობის გეგმის განხორცილება კი საშუალებას მოგვცემს ადგილზე შევქნათ ათასობით სამუშაო ადგილები. რაც შეეხება დაფინანსებას, ამ კუთხით ჩვენ ცნობილ ფინასისტებთან ერთად უნიკალური გეგმა შევიმუშავეთ, რომელიც მოსახლეობას საშუალებას მისცემს მეურნეობა ისე ააწყოს, რომ სახლემწიფომ ამაში კაპიკიც არ დახარჯოს", - აღნიშნა ბაღათურიამ.
მისივე თქმით, პრეზენტაციაზე სრულად იქნება წარმოდგენილი, რომელ რაიონში რამდენი ადამიანის დასაქმება იქნება შესაძლებელი.
ამასთან, დეპუტატმა სოფლის მეურნეობის დაფინანსების გეგმის შესახებ დეტალების გახმაურებისგან თავი შეიკავა და აღნიშნა, რომ საზოგადოებას სრულ ინფომაციას პრეზენტაციის დროს მიაწვდის.
