საქართველოს პარლამენტის თავმჯდომარის მოადგილე, რუსუდან კერვალიშვილი ნატოს საერთაშორისო სამხედრო შტაბის გენერალ-ლეიტენანტს, იურგენ ბორნემანს შეხვდა.
როგორც ჟურნალიტებს რუსუდან კერვალიშვილმა განუცხადა, შეხვედრაზე მხარეება ნატოს სამშვიდობო მისიებში ქართული მხარის მონაწილების მნიშვნელობას გაესვა ხაზი.
"ეს იყო განსაკუთრებული მნიშვნელობის შეხვედრა ნატოს წარმომადგენლებთან, სადაც განვიხილეთ ისეთი რეგიონებისთვის მნიშვნელოვანი საკითხები, როგორიც საქართველოა. ასევე საუბარი შეეხო ლისაბონის სამიტზე გაჟღერებულ რუსეთ-საქართველოს საკითხს, სადაც ხაზგასმით ითქვა, რომ ორ ქვეყანას შორის ურთიერთობა საქართველოს ტერიტორიული მთლიანობის გათვალისწინებით ცეცხლის შეწყვეტის შესახებ ხელშეკრულების ფარგლებში უნდა მოგვარდეს", - აღნიშნა ვიცე-სპიკერმა.
ამასთან, კერვალიშვილის თქმით, შეხვედრაზე ხაზი გაესვა საქართველოს დემოკრატიული განვითარებას, რომელიც ჩრდილო ატლანტიკურ ალიანსთან შემდგომ ურთიერთობაში ქვეყანას ხელს შეუწყობს.
