პრეზიდენტის ადმინისტრაცია საგარეო დაზვერვის სპეციალური სამსახურის ხელმძღვანელის გელა ბეჟუაშვილის თანამდებობიდან წასვლის შესახებ გავრცელებულ ინფორმაციას არ ადასტურებს.
როგორც პრეზიდენტის პრესსპიკერმა მანანა მანჯგალაძემ ჟურნალისტებს განუცხადა, ბეჟუაშვილი მხოლოდ თვენახევრით ჩამოშორდა მოვალეობის შესრულებას.
"გელა ბეჟუაშვილი კვალიფიკაციის ასამაღლებლად ამერიკის შეერთებულ შტატებში გაემგზავრა. სასწავლო კურსი თვენახევრიანია. ასე რომ, მაქსიმუმ აპრილიდან ის საკუთარ თანამდებობას დაუბრუნდება", - განმარტა მანჯგალაძემ.
შეგახსენებთ, რომ გელა ბეჟუაშვილის მიერ საგარეო დაზვერვის სამსახურიდან წასვლის შესახებ ინფორმაცია პრესაში გავრცელდა.
