დღეს, 1-ელ თებერვალს, "თავისუფალი დემოკრატების" ლიდერი ირაკლი ალასანია აშშ-ში გაემგზავრა.
ვაშინგტონში სამდღიანი ვიზიტის ფარგლებში ქართველი ოპოზიციონერი ლიდერი შეხვედრებს სენატში (სენატორებთან, ჯონ მაკკეინთან და ჯო ლიბერმანთან), ასევე
კონგრესში, თეთრ სახლსა და სახელმწიფი დეპარტამენტში გამართავს.
გარდა ამისა, დაგეგმილია ალასანიას სიტყვით გამოსვლა კვლევით ცენტრში - "Chatten-hall", სადაც "თავისუფალი დემოკრატების" ლიდერი თემაზე "საქართველო ტრანზიციის მოლოდინში" ისაუბრებს.
ვიზიტის დეტალებთან დაკავშირებით პარტიაში დღეს პრესკონფერენციაა დანიშნული.
