28 ივნისს ჰელსინკიში ლიბერალებისა და დემოკრატების ალიანსი ევროპისთვის (ALDE) პარტიის საბჭომ მიიღო რეზოლუცია, "დემოკრატია ალყაში: მოწოდება საქართველოს ევროპული გზის დასაცავად", რომელშიც ქართული ოცნების მხრიდან ანტიდემოკრატიულ ნაბიჯებს გმობს და პოლიტიკური პატიმრების დაუყოვნებლივ გათავისუფლებისკენ და ახალი სამართლიანი და თავისუფალი საპარლამენტო არჩევნების ჩატარებისკენ მოუწოდებს.
რეზოლუციაში ხაზგასმულია. ქართველი ხალხის ურყევი ერთგულება პროევროპული და დემოკრატიული მომავლის მიმართ.
რეზოლუციაში ALDE მოუწოდებს:
ყველა პოლიტიკური პატიმრის, მათ შორის პოლიტიკური ლიდერების, ჟურნალისტებისა და მშვიდობიანი მომიტინგეების უპირობო და დაუყოვნებლივ გათავისუფლებისკენ
2025 წლის ბოლოს ახალი თავისუფალი და სამართლიანი საპარლამენტო არჩევნების ჩატარებისკენ, რომელსაც მიუკერძოებელი საარჩევნო ადმინისტრაცია ჩაატარებს
გამოხატვისა და შეკრების თავისუფლებისა და მედიის შემზღუდავი ანტიდემოკრატიული კანონების უკან გაწვევისკენ
ბიძინა ივანიშვილის, "მისი ლაქიების", ქართული ოცნების მაღალჩინოსნების, პროპაგანდისტების, პოლიციის, პროკურორების, კორუმპირებული მოსამართლეებისა და მათი ოჯახების წინააღმდეგ EU-სა და ეროვნულ დონეზე სანქციების, სავიზო შეზღუდვებისა და ფინანსური ზომების მიღებისკენ
ALDE-ს წევრ პარტიებისა და EU-ს ლიბერალი პარტნიორების წარმომადგენლებსა და თანამდებობის პირებს მოუწოდებს, რომ ქართული ოცნების წარმომადგენლებთან კომუნიკაციაში შევიდნენ მხოლოდ ადამიანის უფლებებისა და დემოკრატიული ნორმების დარღვევასთან დაკავშირებით შეშფოთებების შესახებ და ქართული ოცნების ლეგიტიმაციის გარეშე, სანამ სხვა მოწოდებები არ შესრულდება
ამასთან, რეზოლუცია გმობს:
ALDE-ს პარტიათა ლიდერებისთვის, ზურაბ ჯაფარიძის, გიორგი ვაშაძის, ბადრი ჯაფარიძის, მამუკა ხაზარაძის, ნიკა მელიასა და გივი თარგამაძისთვის პატიმრობის მისჯასა და 2 წლის განმავლობაში თანამდებობის დაკავების აკრძალვას
ოპოზიონერი პოლიტიკოსების, ნიკა გვარამიასა და ირაკლი ოქრუაშვილის დაკავებას
ადამიანის უფლებების დარღვევებს, მშვიდობიანი დემონსტრანტების რეპრესიასა და 60-ზე მეტი აქტივისტის სამართლებრივ დევნას
EU-ს ინსტიტუტებისა და წარმომადგენლების წინააღმდეგ დეზინფორმაციის კამპანიებსა და მტრულ რიტორიკას
სამოქალაქო საზოგადოების, თავისუფალი პრესისა და ფუნდამენტური თავისუფლებების წინააღმდეგ მიმართულ ანტიდემოკრატიულ კანონებსა და პარტიების ამკრძალავ კანონს
გარდა ამისა, რეზოლუციაში ხაზგასმულია:
ქართველი ხალხის ურყევი ერთგულება პროევროპული და დემოკრატიული მომავლისადმი.
დემოკრატიული უკუსვლაზე, 2024 წლის გაყალბებული არჩევნებზე, ადამიანის უფლებების დარღვევებსა და ევროკავშირში გაწევრიანების შეჩერებაზე ქართული ოცნების სრული პასუხისმგებლობა
2024 წელს ესტორილში ALDE-ს კრებაზე მიღებული რეზოლუცია, "საქართველოში EU-ში ინტეგრაციისთვის აუცილებელი სამართლიანი სტანდარტები და დემოკრატიული რეფორმები"
