საქართველოს პარლამენტის თავმჯდომარის პირველი მოადგილე მიხეილ მაჭავარიანი და პარლამენტის თავმჯდომარის მოადგილე გიორგი წერეთელი 1-4 თებერვალს ვაშინგტონში " National Prayer Breakfast " სახელწოდების საერთაშორისო ყოველწლიურ ღონისძიებაში მიიღებენ მონაწილეობას.
მაჭავარიანი და წერეთელი აშშ-ში ამერიკული მხარის მიწვევით გაემგზავრნენ. საერთაშორისო ღონისძიება National Prayer Breakfast უკვე 59-ედ იმართება.
ღონისძიებაში ასევე მონაწილეობენ კონგრესმენები, სენატორები, ბიზნესწრეების, არასამთავრობო ორგანიზაციების წარმომადგენლები და სხვა ქვეყნიდან მოწვეული სტუმრები. შეხვედრა ვაშინგტონში გაიმართება.
