"ქრისტიან-დემოკრატების" ლიდერი გიორგი თარგამაძე თელავის რაიონის სოფელ კონდოლში მოსახლეობას შეხვდა. ადგილობრივმა მცხოვრებლებმა საპარლამენტო უმცირესობის ლიდერს სოფელში არსებული პრობლემები გააცნეს. თარგამაძე მათ პრობლემების გადაჭრის გზებზე ესაუბრა.
"რაც უნდა ხშირად და ემოციურად ამტკიცოს ხელისუფლებამ, რომ სოფლებში არსებული მდომარეობა მათთვის ცნობილია და რომ არსებული მდგომარეობის შესამსუბუქებლად ყველაფერს აკეთებენ, ფაქტები სხვა რამეზე მეტყველებს. ბევრ სოფელში ჩავდივართ და ყველგან ხალხი ხელისუფლების უყურადღებობას უჩივის. აქაც, კონდოლში, ვერ ახერხებენ მიწების დამუშავებას, რაიონის ცენტრში ჩამწკრივებული ტრაქტორები კი სამუზეუმო ექსპონატის ფუნქციას ასრულებს. ქართული სოფლის გასაჭირი მმართველი გუნდისთვის მეათეხარისხოვანია, რაც დანაშაულის ტოლფასია", - განაცხადა თარგამაძემ.