რეინტეგრაციის საკითხებში სახელმწიფო მინისტრ ეკა ტყეშელაშვილის განცხადებით, რუსეთი საქართველოს სამართლებრივ სივრცეში მოქცევას ისევ ცდილობს.
სწორედ ასე აფასებს ტყეშელაშვილი რუსული მხარის მიერ ფსოუზე სამი საკონტროლო-გამშვები პუნქტის აშენების სურვილს.
"ეს არის ოკუპანტი სახელმწიფოს მიერ საქართველოს წინააღმდეგ დაწყებული პოლიტიკის გაგრძელება. ეს წარმოადგენს საქართველოს სამართლებრივ სივრცეში მოქცევის მცდელობას და ამავდროულად, ბუნებრივია, ამით მოსკოვს სურს კიდევ უფრო მეტად კონტროლირებული ქონდეს ვითარება ოკუპირებულ რეგიონებში", - განუცხადა ტყეშელაშვილმა აღნიშნულ საკითხზე კომენტირებისას ჟურნალისტებს.
