საქართველოს სს მინისტრი გრიგოლ ვაშაძე მიმდინარე კვირას ბელგიას, ლუქსემბურგსა და პოლონეთს ეწვევა.
ოფიციალური ინფორმაციით, სამივე ქვეყანაში ვაშაძე ორმხრივ შეხვედრას გამართავს.
"ბელგიაში შეხვედრებისას ძირითადი აქცენტები საქართველო-ევროკავშირის ურთიერთობებზე გაკეთდება. დაგეგმილია შეხვედრა ევროკომისარ შტეფან ფულესთან. რაც შეეხება ლუქსემბურგს. საქართველოს სს უწყების ხელმძღვანელი ვიცე-პრემიერ მინისტრს და კოლეგა მინისტრს შეხვდება. შეხვედრაზე ორმხრივ ურთიერთობებთან დაკავშირებული საკითხები იქნება განხილული. ლუქსემბურგის შემდეგ გრიგოლ ვაშაძე გააგრძელებს ვიზიტს პოლონეთში, სადაც უკვე, დაზუსტებული ინფორმაციით, სს მინისტრს შეხვდება, თუმცა, ვმუშაობთ იმისთვის, რომ შეხვედრა განხორციელდეს პოლონეთის პრეზიდენტთანაც", - განმარტა სს მინისტრის მოადგილემ ნინო კალანდაძემ.
მისივე თქმით, პოლონეთში ორმხრივი შეხვედრების გარდა საქართველოს საელჩოსთან არსებული ქართული სახლისა და პოლონეთის არმიის ქართველ ოფიცერთა მუზეუმის გახსნაც იგეგმება.
გრიგოლ ვაშაძე აღნიშნულ ქვეყნებში ვიზიტებს მიმდინარე კვირასვე დაასრულებს.