დღეს, 31 იანვარს, სტრასბურგში რუსეთის წინააღმდეგ საქართველოს სარჩელის განხილვა იწყება.
საქართველოს სს მინისტრის მოადგილის ნინო კალანდაძის შეფასებით, სარჩელის ქართული მხარის სასარგებლოდ გადაწყვეტას უდიდესი სამართლებრივი და პოლიტიკური მნიშვნელობა აქვს.
"სამართლებრივი თვალსაზრისით სარჩელი ჩვენი მოქალაქეების უფლებების დარღვევას ეხება. საუბარია რუსეთიდან მათ დეპორტაციაზე, რაც ეთნიკური ნიშნით განხორციელდა. ძალიან მნიშვნელოვანია, რომ საერთაშორისო სასამართლოს მიერ ამის აღიარება მოხდეს. პოლიტიკური დატვირთვა კი იმის გათვალისწინებით აქვს, რომ დადასტურდეს ის, რასაც ქართული მხარე ევროპელ კოლეგებს მუდმივად ეუბნებოდა - ეს იყო რუსეთის მიზანმიმართული პოლიტიკა ქართველების წინააღმდეგ რაც 2008 წელს ომით დასრულდა," - განმარტა კალანდაძემ.
ამასთან, სს უწყების ხელმძღვანელის მოადგილე იმედს გამოთქვამს, რომ ევროპული სასამართლოს მხრიდან "ამ ფაქტების აღიარება და დადასტურება მოხდება".
დღეს ჩანიშნულ პროცესს თავად დაზარალებული ქართველებიც დაეწსრებიან. ამასთან, მოწმის სახით დაიკითხება რუსეთში საქართველოს ყოფილი კონსული ზურაბ პატარიძე.
