დღეს გალში ინცინდენტების პრევენიციისა და მასზე რეაგირების ჯგუფის მორიგ შეხვედრაზე ქართული მხარე დე-ფაქტო აფხაზეთში ბრალდებულად მიჩნეულ ყოლბაიასა და ცხადაიას გადმოცემას მოითხოვს.
როგორც შსს საინფორმაციო-ანალიტიკური დეპარტამენტის უფროსმა შოთა უტიაშვილმა აღნიშნა, მხარეები ბოლო შეხვედრის შემდეგ თვეების განმავლობაში არსებულ ვითარებას განიხილავენ.
"ვეცდებით, დავსახოთ გზები, რომ ადგილობრივი მოსახლეობის პრობლემის მოგვარებას ხელი შევუწყოთ. საუბარია გადაადგილების თავისუფლებაზე, ადამიანების უფლებების დაცვაზე, ძალადობის ფაქტებსა და სხვა. ამასთან, ჩვენ დავაყენებთ საკითხს ტერაქტებში ეჭვმიტანილი ყოლბაიასა და ცხადაიას დაუყოვნებლივ გათავისუფლების შესახებ,"_აღნიშნა უტიაშვილმა.
შეგახსენებთ, დღეს გალში ინცინდენტების პრევენიციისა და მასზე რეაგირების ჯგუფის მორიგი ხუთმხრივი შეხვედრა გაიმართება. მასში მონაწილეობას მიიღებენ ქათული, რუსული, ევროკავშირისა და გაეროს მხარეები, ასევე, აფხაზეთის წარმომადგენლებიც.
