საქართველოს საგარეო საქმეთა სამინისტროში ეგვიპტის არაბთა რესპუბლიკაში მიმდინარე მოვლენებთან დაკავშირებით ცხელ ხაზი (+995 32 94 50 50) იმუშავებს, სადაც საქართველოს მოქალაქეთათვის დახმარების გაწევის მიზნით, შესაძლებელი დამატებითი ინფორმაციების მიღება.
„ეგვიპტის არაბთა რესპუბლიკაში უკანასკნელი დღეების განმავლობაში განვითარებულ მოვლენებთან დაკავშირებით, საგარეო საქმეთა სამინისტრო კვლავ მოუწოდებს საქართველოს მოქალაქეებს, მათი უსაფრთხოების ინტერესებიდან გამომდინარე, თავი შეიკავონ ეგვიპტეში მგზავრობისგან, ხოლო იმ პირებს, რომლებიც უკვე იმყოფებიან ეგვიპტის ტერიტორიაზე, დაბეჯითებით ურჩევს, თავი აარიდონ მასობრივი თავშეყრის ადგილებში გამოჩენას, გამოსვლების ფოტო და ვიდეო გადაღებას და იქონიონ მუდმივი კავშირი კაიროში საქართველოს საელჩოსთან", _ ნათქვამია საქართველოს საგარეო უწყების მიერ გავრცელებულ ინფორმაციში.
სამინისტრო ეგვიპტეში ტურისტული ვიზებით მყოფ პირებს, მოუწოდებს შეასრულონ შესაბამისი ტურისტული სააგენტოების მითითებები.
სამინისტრო განმარტავს, ეგვიპტის არაბთა რესპუბლიკის ადგილობრივი ხელისუფლების გადაწყვეტილებით, გათიშულია ელექტრონული საკომუნიკაციო საშუალებები (ინტერნეტი, მობილური კავშირი), შეფერხებით მუშაობს სტაციონალური სატელეფონო სამსახურიც. სატელეფონო კავშირის აღდგენისთანავე, ცხელი ხაზი ამოქმედდება საქართველოს საელჩოშიც ქ. კაიროში.