"ქართული ოცნების" დეპუტატის, მარიამ ლაშხის საჩივრის საფუძველზე კიდევ ერთ აქტივისტს, თათია აფრიამაშვილს 12-დღიანი პატიმრობა შეეფარდა.
ამავე საქმეზე 12-დღიანი პატიმრობა შეეფარდა ლიკა ლორთქიფანიძეს, მაგდა მამუკაშვილს კი - 4 000-ლარიანი ჯარიმა.
შემთხვევა 17 მაისს მოხდა. 3 აქტივისტს ლაშხმა უჩივლა. მისი მტკიცებით, აქტივისტებმა მას შეურაცხყოფა კაფეში ყოფნის დროს მიაყენეს.
"თავისუფლება რეჟიმის ტყვეებს", "ძირს რუსული რეჟიმი" - სკანდირებდნენ აქტივისტები.
