საქართველოს საგარეო საქმეთა სამინისტრო საკუთარ მოქალაქეებს ეგვიპტეში მგზავრობისგან თავის შეკავებას ურჩევს.
ეგვიპტის არაბთა რესპუბლიკაში ბოლო დროს განვითარებული მოვლენების გამო საქართველოს საგარეო საქმეთა სამინისტრო საკუთარ მოქალაქეებს დაბეჯითებით მოუწოდებს, თავი შეიკავონ ეგვიპტეში მგზავრობისგან.
საგარეო საქმეთა სამინისტრომ შესაბამისი პოზიციას საკუთარი მოქალაქეების უსაფრთხოების ინტერესის დაცვით განმარტავს.
შეგახსენებთ, ეგვიპტის არაბთა რესპუბლიკაში უკანასკნელი დღეების განმავლობაში განვითარებული მოვლენების შედეგად ეგვიპტის მთავრობამ მთელი ქვეყნის ტერიტორიაზე საგანგებო მდგომარეობა გამოაცხადა. საგანგებო მდგომარეობა საღამოს 18:00 საათიდან დილის 7:00 საათამდე გრძელდება.