თუ არ დაემხო ოლიგარქია, არაფერი არ იქნება, რადგან “რეჟიმი მარტო დაკავებასა და შიშზე დგას, - ამის შესახებ კოალიცია "ცვლილებებისთვის" ერთ-ერთმა ლიდერმა ნიკა გვარამიამ ზურაბ ჯაფარიძის დაპატიმრების შემდეგ ჟურნალისტებთან განაცხადა.
"დღეს ეს უკვე ნამეტანი იყო. ამდენჯერ პატიმრობაში ვარ ნამყოფი და დღეს რაც მოხდა მართლა ნამეტანი იყო. უნდა დავიჯეროთ და შეკითხვები არ დავსვათ - იქნება თუ არა რამე? არაფერი არ იქნება თუ არ დაემხო ოლიგარქია. ყველა ასე ბოლო წუთამდე ველოდებით, რომ იქნებ ახლა სხვანაირად მოხდეს, არ მოხდება სხვანაირად. რეჟიმი დგას მარტო დაკავებასა და შიშზე, არ არის საჭირო რაციონალური ფიქრები, პირდაპირ უნდა ვთქვათ, ოლიგარქიის დამხობა არის ამოცანა, თუ გვინდა, რომ ხალხი იყოს გარეთ და შეკითხვები არ ისმოდეს, რა მოხდება და როგორ მოხდება, ვიდრე ოლიგარქია იქნება, იქნება ასეთი გადაწყვეტილებები. ბიძინას უკან დასახევი გზა არ აქვს, არის უმძიმეს ჩიხში, აწი თუ უფრო მეტად გართულდება მისი მდგომარეობა და საზოგადოებისადმი რეპრესიული დამოკიდებულება, თორე არ შემსუბუქდება. საშიშია ეს საქართველოსთვის? ამძიმებს ეს პროტესტის მდგომარეობას? პირიქით, ამსუქებს, რადგან გიჟის მდგომარეობაში რაც უფრო შევა ივანიშვილი, მით უფრო დასუსტდება და შეცდომებს დაუშვებს“,- განაცხადა გვარამიამ.
შეგახსენებთ, ცოტა ხნის წინ მოსამართლე ირაკლი შვანგირაძემ კოალიცია "ცვლილებებისთვის" ერთ-ერთ ლიდერს პატიმრობა შეუფარდა.
