ავსტრალიამ ახლი გადასახადის შემოღების შესახებ განაცხადა. გადასახადისგან მიღებული შემოსავლით კი კვინსლენდის შტატში წყალდიდობისგან დაზარალებულები დაფინანსდებიან.
სააგენტო "ფრანს პრესის" ინფორმაციით, ავსტრალიის მოქალაქეებს, რომელთა შემოსავალი 50 ათას ავსტრალიურ დოლარს აჭარბებს, საშემოსავლო გადასახადს გადაიხდიან, რაც შემოსავლის 0,5 %-ს შეადგენს. ხოლო ვისი შემოსავალიც 100 ათას ავსტრალიურ დოლარზე მეტია, მათ გადასახადის სახით შემოსავლის 1 %-ის გადახდა მოუწევთ.
აღნიშნულმა გადასახადმა სახელმწიფო ხაზინაში 1,8 მლრდ. დოლარი უნდა შეაგროვოს. ამავე დროს სტიქიური უბედურებისგან ქვეყნის აღდგენის საერთო ღირებულება, ბოლო შეფასებებით, 5,6 მლრდ. დოლარია.
