მოძრაობა "სამართლიანი არჩვენებისთვის" წევრები სამოქალაქო რეესტრის წარმომადგენელს შეხვდნენ. როგორც "ჯი-ეიჩ-ენს" "თავისუფალი დემოკრატების" ახალგაზრდული ორგანიზაციის თავმჯდომარემ სულხან ღლონტმა განუცხადა, დღეს პარტიის ოფისში 13 პოლიტიკური პარტიის ახალგაზრდული ორგანიზაციის თავმჯდომარეები სამოქალაქო რეესტრის წევრს შეხვდნენ და ბიომეტრიულ პირადობის მოწმობების შესახებ ინფორმაცია მიიღეს.
"როგორც იცით, ოპოზიცია არჩევნების ბიომეტრიული პასპორტებით ჩატარებას მოითხოვს. სწორედ ამ მიზნით შევხვდით სამოქალაქო რეესტრის წარმომადგენელს, რომლის ინფორმაციითაც, თუ ფინანსური შესაძლებლობა იქნება, 2012 წლის არჩევნებისთვის ბიომეტრული პასპორტების დამზადება სრულიად საქართველოს მოსახლეობისთვის გახდება შესაძლებელი", - აღნიშნა "ჯი-ეიჩ-ენი" ღლონტმა.
ახალგაზრდული ორგანიზაცია "მოძრაობა სამართლიანი არჩევნებისთვის" საერთაშორისო რესპუბლიკური ინსტიტიუტის მხარდაჭერით ჩამოყალიბდა. მასში 13 პარტიის ახალგაზრდული ორგანიზაციაა გაერთიანებული, მათ შორის მმართველი პარტიიის ახალგაზრდული ფრთა. ორგანიზაციის მიზანია მოსახლეობის ინფორმირებულობა საარჩევნო კოდექსის შესახებ.
ახალგაზრდები უახლოეს მომავალში შეხვედრას ცენტრალურ საარჩევნო კომისიასთანაც გეგმავენ.
